Lengenwang im Dialekt
A herzlich´s "Grüss Gott". Aisre Gmeoid, hot 14 Oadsdeil und isch auf ca. 807 m. ü. NN. im südliche Allgäu und zellt ca. 1400 Eiwohnar. Ob´s jetz Wandre, Radle, oder lugga gand... oder oifach bloss gruaba meachted - do bei ais im urige Allgäu könnet´s leicht d´Alldaagstress vergesse und d´ Urlaub gscheit gniasa.
im Friajohr und Sommer...
... präsentiert ähne Lengenwang alle Vorzüg vom Allgäuer Voralpenland. D´ Landschaft, die ma aus´m Fernseh kennt, mit saftige Felder und üppige Wälder. Lugged´s doch sell vorbei und seached´s die scheana Berg wo´s bei ais im Allgäu geid!
 |
 |
 |
 |
 |
 |
Lengenwang im Winter
Duur die idyllische Laag im Voralpeland, bietet sich im Winter in und um Lengenwang vielfältige Freitzeitmöglichkeita oa.. In a bar Autominuta sind´s an´d Skilift in Schwangau, Pfronten oder Nesselwang, dia ähne zum Deil sogaar Flutlichtskifahrta bis Nochts um zehna meglich mochad. O ´d Skigebiete wia Jungholz, Lermoos oder der Hahnenkamm sind vo ais aus gaud zum erreicha. Bei ais in Lengenwang gang o zwei Langlaufloipa los, die zu´d landschaftlich schönsta Loipe vom Ostallgäu ghöred. Dia kloinerere "Hausloipe" (4 km) führt entlang vom Mühlbach und dr Lobach, diea größere Verbundloipe führt d´Langläufer und Skater bis in´d umliegenda Gmoida Wald, Rückholz und Seeg. Es geid a haufa Varianta mit a Gsamtlänge vo bis zu 55 km.
Aber o als It-Skifahrer koa ma´s im Winter in Lengenwang guar aushalte - zahlreiche Wanderweag laded zur Erkundung der herrlichn Allgäuer Landschaft ei. Es geid in aisr Gegend a haufa urige, bewirtete Hütta, diea drauf waded, vo eana gfunda zum wera. Für´d Kinder geids massig "Bichel", vo deane rasante Schlittenfahrte möglich sind. Für´d Erwachsene darf´s aber vielleicht doch lieber a griabige Fahrt mit dem Pferdeschlitte sei ....
Doa bei ais finded´s ideale Bedingunga für´n ganz persönliche Traumurlaub. Denn egal, ob´s gruba, wandra, sportle, radle oder sich kulturell unterhalten lasse meachted. I´d Gegend rund um aisre Gmoid finded´s zahlreiche Möglichkeita, um gnau diea Ansprüch zum befriediga. Ganz gleich ob´s als Individualist oder mit´d r Groaßfamille oareised - Sie sind bei ais guad aufghoba
Gemeinde Lengenwang
Bahnhofstraße 8
87663 Lengenwang
Tel.: 0 83 64 / 3 07
